Menyu
Rolex-in Yacht‑Master II
Başlanğıca bələd olmaq
Xüsusi olaraq reqata yarışının start götürməsi üçün hazırlanmış Yacht-Master II modeli dənizçilik ruhunu texniki mükəmməlliklə bir araya gətirir.
Bu unikal reqata xronoqrafı Rolex tərəfindən hazırlanmış eksklüziv funksiyaya malikdir: mexaniki yaddaş və anında sinxronlaşdırma ilə proqramlaşdırıla bilən geriyə sayma.
Dərhal tanına bilən bezel
Oystersteel və ya 18 kt sarı qızıl versiyalarında mövcud olan Yacht-Master II modeli göy keramikdən olan 60 dəqiqəlik şkalalı Cerachrom əlavəsi ilə təchiz edilmiş, iki istiqamətdə dövr edən bezelə sahibdir. Son dərəcə sərt və faktiki olaraq cızıqlara davamlı olan, Rolex tərəfindən istifadə edilən yüksək texnologiyalı keramikanın emal edilməsi üçün xüsusi alətlər tələb edilir. Bu göy Cerachrom əlavəsinin üzərindəki qəliblənmiş, girintili işarə və rəqəmlər PVD (Physical Vapour Deposition) vasitəsilə platin və ya sarı qızıl qatı ilə örtülmüşdür. Şkalanın ilk 30 dəqiqəsi hər dəqiqə üzrə işarələnib. Bezel neytral mövqedə olduqda xronoqrafın mərkəzi saniyə əqrəbi vasitəsilə geri sayımın son 30 saniyəsi daha dəqiq oxuna bilər. İstifadəçiyə iki buy arasındakı üzmə vaxtı kimi zaman intervalını hesablamağa imkan verən bu şkalalı bezel çıxıntılı kənarı ilə əldə mükəmməl tutulmasını təmin edir.
Geriyə sayma funksiyası
Yacht-Master II modelinin geriyə sayma funksiyası intuitivdir və istifadəsi asandır. Yarışların kritik başlanğıc mərhələsində yelkənçilərə daha səmərəli şəkildə kömək etmək üçün hazırlanmışdır.
Geriyə sayma alt hissədəki düymə ilə proqramlaşdırılır. Bu düyməyə hər dəfə basdıqda dəqiqə əqrəbi bir vahid irəli hərəkət edir. Dəqiqə əqrəbi müvafiq geriyə sayma vaxtını göstərənə qədər istifadəçinin sadəcə düyməyə təkrarən basması kifayətdir. Geriyə sayma müddəti sistemin mexaniki yaddaşında saxlanılır. Bununla yelkənçinin eyni geriyə sayma müddətinə malik sonrakı yarışda saatını sıfırlamağa ehtiyacı olmur. Geriyə qalan müddətin daha aydın şəkildə oxunması üçün geriyə sayma üzrə dəqiqə və saniyə əqrəbləri saatın əksi istiqamətində hərəkət edir. Bu, Rolex üçün bir ilkdir.
Oyster bilərziyi
Yacht-Master II Oyster bilərziyi ilə təchiz olunmuşdur. 1930-cu illərin sonunda yaradılmış bu geniş və azca əyri üç hissəli əlaqələndiricisi olan metal bilərzik möhkəmliyi ilə tanınır.
Yacht-Master II modelinin Oystersteel və ya 18 kt sarı qızıldan Oyster bilərziyi daha incə Oysterlock təhlükəsizlik qarmağı ilə təchiz olunmuşdur. Bu qatlanan qarmaq istifadəçiyə bilərziyin uzunluğunu təqribən 5 mm-ə qədər asanlıqla tənzimləməyə imkan verən və Rolex tərəfindən hazırlanmış Easylink rahat uzatma əlaqələndiricisinə sahibdir. Saatın 18 kt sarı qızıldan olan versiyasındakı Oyster bilərziyi aşınmanın qarşısını almaq və biləkdə elastikliyini artırmaq üçün əlaqələndiricilərin arasında brend tərəfindən dizayn edilmiş və patentləşdirilmiş keramik əlavələr ilə təchiz edilib.
Eksklüziv materiallar
Yacht-Master II modelinin versiyalarından biri ən çətin şəraitdə belə parlaqlığını qoruyan eksklüziv xəlitə olan Oystersteel-dən hazırlanıb. Digər Yacht-Master II versiyası isə 18 kt sarı qızıldan düzəldilmişdir. Rolex qızılı qiymətli metalların istifadəsində mükəmməlliyə nail olmaq üçün brendin uzun illər apardığı araşdırma və inkişaf mərhələlərinə əsaslanan cəlbedici parıltıya sahibdir. Saat istehsalı sənayesində unikal yerə sahib olan Rolex öz tökmə sexini yaradaraq 18 kt qızıl xəlitələrinin istehsalı, tökülməsi və formalaşdırılmasına tam nəzarət etmək qərarına gəldi.
Kalibr 4162
Yacht-Master II modelin əvvəlki versiyasını hərəkətə gətirən kalibr 4161-in təkmilləşdirilmiş variantı kalibr 4162 ilə təchiz edilmişdir. Xüsusilə reqata yarışının start götürməsi üçün hazırlanmış kalibr 4162 Rolex tərəfindən yaradılmış eksklüziv funksiyaya malikdir: mexaniki yaddaş və anında sinxronlaşdırma ilə proqramlaşdırıla bilən geriyə sayma. Patent müraciəti edilmiş bu sistem sayəsində geriyə sayma funksiyası sadəcə alt hissədəki düymə ilə proqramlaşdırılır. Bununla da saatın istifadəsi daha asan və intuitiv hala gətirilib.
Kalibr 4162 Chronergy sürəti tənzimləmə qurğusu kimi Rolex-in mexanizminə gətirdiyi böyük innovasiyalardan bəzilərini də özündə birləşdirir. Silindr formalı arxitekturası və sürəti tənzimləmə qurğusunun üstün səmərəliliyi sayəsində həmin mexanizmin enerji ehtiyatı təxminən 72 saata qədər uzanır. Kalibr 4162, xüsusilə Rolex Côtes de Genève ilə dekorasiya edilmiş körpülər və kəsik formalı sallanan ağırlıq ilə diqqətlə tamamlanmış estetikanı nümayiş etdirir.
Superlative Chronometer sertifikatı
Bütün Rolex saatları kimi Yacht-Master II modeli də Superlative Chronometer sertifikatına malikdir. Bu eksklüziv nişanlama Rolex mağazalarından çıxan hər bir saatda təqdim edilir və biləkdəki mükəmməl performansını təsdiqləyir. Bu şirkətdaxili sertifikata beynəlxalq səviyyədə tanınan, müstəqil İsveç qurumları tərəfindən ciddi şəkildə nəzarət edilir.
Superlative Chronometer statusu beynəlxalq beş illik zəmanəti olan yaşıl siferblatla təcəssüm olunur
Əvvəlki