Menyu
Rolex Perpetual 1908
Ən müasir klassisizm
Eleqant, klassik və tamamilə müasir olan Perpetual 1908 Rolex-in çoxillik cəsarətli ruhunu əbədiləşdirir. Saat istehsalı sahəsində brendin estetik irsinə, eləcə də çoxsaylı yeniliklərə töhvə verən bu saat brendin mükəmməllik axtarışını davam etdirir. Rolex-in saat istehsalı şücaətinin bu gözəl nümunəsi Mükəmməl Xronometr sertifikatı ilə birlikdə gələcəyə klassisizmi gətirir.
1908 Rolex-in orijinal cəsarətini davam etdirir
Brendin 1908-ci ildə yaradılmasından bəri Rolex yaradıcısı Hans Vilsdorfun qol saatının gələcəyinin üstün performansdan ayrılmaz olmasına dair əsas inamını davam etdirir. Vilsdorfa görə 1908 avtomatik qurulan qol saatının bütün əsas atributlarını özündə birləşdirir: xronometrik dəqiqlik, sukeçirməzlik, müstəqillik, rahatlıq və davamlılıq.
Klassik üslub, əbədi olaraq yenidən kəşf edilib
Hans Vilsdorfun inqilabi yenilikləri qol saatının texniki xüsusiyyətləri ilə bağlı olsa da, onlar həm də son dərəcə güclü estetik vizyonun bəhrəsi idi. Korpusun silueti və 1908-ci ilin siferblatının dizaynı orijinal Oyster Perpetual saatlarının klassik, lakin çox müasir ruhunu yenidən formalaşdırır. Estetik imza, tam yuvarlaq və yivli bezeli onun bütün formalarında incəlik axtarışına sübutdur.
Zəriflik və rahatlıq
1908 saatları eksklüziv olaraq Settimo bilərziyi ilə təqdim olunan 18 kt sarı qızıldan versiya istisna olmaqla, dəri kəmər ilə təchiz olunmuşdur. Eyni tonda üst tikişlər və yaşıl astarı ilə seçilən qəhvəyi və ya qara timsah dərili kəmər saat brendinin rəmzi olan rəngə sadə bir ithaf hesab olunur. 18 kt sarı və ya ağ qızıldan, yaxud 950 əyar platindən hazırlanmış Dualclasp qarmağı istifadəçinin bilək formasına uyğunlaşaraq rahatlığı artırır. Settimo bilərziyi 18 kt sarı qızıldan hazırlanmışdır və incə əlaqələndiriciləri bərq vuran işıq parıltısı yaradır. Gizli Crownclasp qarmağı ilə təchiz olunmuş ahəngdar dizaynı bəzi eleqant, vintaj üslublu saatları bəzəyən zinət əşyası bilərziklərini xatırladır.
Həyəcanlandırıcı görünüş üçün şəffaf arxa korpus
Rolex şəffaf arxa korpus vasitəsilə mexanizmini üzə çıxaran saat təklif edərək, öz saat istehsalı ənənəsini təkrarlayıb yenilik etməyə davam edir. Kalibr 7140 üzərində "Chronometer Perpetual" sözləri yazılmış və optimallaşdırılmış diyircəkli yastıqdan yararlanan və sarı qızıldan hazırlanmış, üç qollu, kəsik formalı rotor daşıyır. Mexanizm eksklüziv Rolex Côtes de Genève dekorasiyası (hər lent arasında cilalanmış yivlə yenidən şərh edilən məşhur ənənəvi saat dekorasiyası) da daxil olmaqla, bəzi diqqət çəkici örtüyə sahibdir. Demək olar ki, cızıqlara tamamilə davamlı sapfirdən hazırlanmış pəncərə Rolex üçün mexanizmin estetikasının onun performansı qədər vacib olduğunu sübut edir.
Kalibr 7140: Performans və zəriflik
Rolex-in saat istehsalı mühəndisləri 1908 modelini gücləndirmək üçün vaxtın iki mərkəzi əqrəb və saat 6 istiqamətindəki kiçik saniyə əqrəbi vasitəsilə göstərilməsinə imkan verən tamamilə yeni avtomatik qurulan mexanizmi olan kalibr 7140-ı yaratdılar. Tamamilə şirkət daxilində dizayn edilmiş və hazırlanmış bu mexanizm üçün bir sıra patent müraciəti edilib. Onun qabaqcıl dizaynı müstəsna performans təmin etmək üçün bəzi əsas istehsal yeniliklərini özündə birləşdirir. Məsələn, hər ikisi də güclü maqnit sahələrə dayanıqlı olan silikon Syloxi saat spiralı və nikel-fosfor xəlitəsindən Chronergy sürətli tənzimləmə qurğusu, eləcə də ossilyatoru və anker çarxı saata gələ biləcək istənilən zərbədən qoruyan Paraflex amortizatorları.
Əvvəlki