Menyu
Yeni saatlar 2026
Rolex-in Oyster Perpetual 36 Hər bir hərfdə nəciblik
Yeni saatlar 2026
Rolex-in Oyster Perpetual 36 Hər bir hərfdə nəciblik
Rolex Oyster Perpetual 36 modelinin Oystersteel-dən hazırlanmış, son dərəcə qrafik və rəngarəng Jubilee motivi ilə dekorasiya edilmiş, Rolex adının hərflərini nümayiş etdirən siferblata malik yeni versiyasını təqdim edir.
Brendin estetik irsindən ilham alan bu motiv gerçək bir texniki nailiyyətin nəticəsidir. Yeni Oyster Perpetual 36 modeli siferblatının unikal parlaqlığı vasitəsilə brendin ixtiraçılıq qabiliyyətini və siferblatın hazırlanması sahəsində məharətini qeyd edir.
Siferblat
Qrafik və rəngarəng motiv
Oyster Perpetual 36 modelinin siferblatı 1970-ci illərin sonlarında təqdim edilən və o vaxtdan bəri məşhurlaşan Jubilee motivinə həm ən zərif, həm də ən müasir üslubda yenidən həyat verir. Bu model "Rolex" adının hərflərini ən azı on rəngin kontrastlı qarşılıqlı təsiri ilə göstərir. Bu naxışın icrası ciddi çətinlik yaradır, çünki rənglər eyni anda deyil, ardıcıl olaraq tətbiq olunur. Motivi formalaşdıran bütün forma və hərflərin mükəmməl şəkildə yerləşdirilməsini təmin etmək üçün yüksək dəqiqlik tələb edilir.
Oystersteel Eksklüziv xəlitə
Oyster Perpetual 36 modelinin yeni versiyası Oystersteel materialından hazırlanmışdır. Cəlbedici parlaqlığa malik bu xüsusi xəlitə ekslüziv olaraq Rolex üçün istehsal edilmişdir. 904L polad qrupuna daxildir. Bu xəlitələr aerokosmika və kimya sənayesi kimi yüksək texnologiya sahələrində tez-tez istifadə olunur. Onların mükəmməl antikorroziya xüsusiyyətləri qiymətli metallarla müqayisə edilə bilər.
Oyster korpusu Sukeçirməzliyin simvolu
Oyster Perpetual 36 modelinin Oyster korpusunun 100 metr (330 fut) dərinliyə qədər sukeçirməzliyinə zəmanət verilir. Orta korpus tək parça Oystersteel xəlitəsindən hazırlanmışdır və yuvarlaq bezel ilə təchiz olunmuşdur. Kənarları zərif yivli arxa korpus vintləri yalnız səlahiyyətli saat ustaları tərəfindən xüsusi alətlə germetik şəkildə bərkidilir. İkiqat sukeçirməz sistem ilə təchiz edilmiş Twinlock burulan tac vinti korpusa möhkəm şəkildə bərkidilmişdir. Kristal faktiki olaraq cızıqlara davamlı sapfirdən hazırlanıb və anti-reflektiv örtük ilə təmin edilib.
Oyster bilərziyi Simvolik və möhkəm
1930-cu illərin sonunda yaradılmış Oyster bilərziyi Oyster Perpetual kolleksiyasının bütün saatlarında təqdim olunur. Bu möhkəm, rahat və eleqant metal bilərzik geniş və azca əyilmiş üç əlaqələndirici sıradan ibarətdir. Oyster Perpetual 36 modelindəki Oyster bilərziyi Oysterclasp ilə təchiz olunmuşdur və ani olaraq əlavə rahatlıq təmin etmək üçün bilərziyin uzunluğunu təqribən 5 mm asanlıqla artırmağa imkan verən Easylink rahat uzatma əlaqələndiricisinə malikdir.
Kalibr 3230 Texnoloji yenilik
Oyster Perpetual 36 tamamilə Rolex tərəfindən hazırlanıb istehsal edilmiş mexanizm olan kalibr 3230 ilə təchiz edilmişdir. Bu avtomatik qurulan mexaniki hərəkət göy Parachrom saat spiralı və Chronergy sürəti tənzimləmə qurğusuna malikdir. Xüsusilə dəqiqlik, müstəqillik, rahatlıq və etibarlılıq baxımından üstün performans təqdim edir. Silindr formalı arxitekturası və sürəti tənzimləmə qurğusunun üstün səmərəliliyi sayəsində təxminən 70 saatlıq enerji ehtiyatına sahibdir.
Superlative Chronometer sertifikatı
Oyster Perpetual 36 modeli Superlative Chronometer sertifikatına malikdir. Bu eksklüziv nişanlama Rolex mağazalarından çıxan hər bir saatda təqdim edilir və biləkdəki mükəmməl performansını təsdiqləyir. Bu şirkətdaxili sertifikata beynəlxalq səviyyədə tanınan, müstəqil İsveç qurumları tərəfindən ciddi şəkildə nəzarət edilir.
2026-cı ildə Superlative Chronometer sertifikatı maqnit sahələrinə qarşı davamlılıq, etibarlılıq və dayanıqlılıq kimi yeni 3 sınaq meyarının əlavə edilməsi ilə təkmilləşdirilmişdir. Bu meyarlar hər bir saatın hazırlanma və istehsal mərhələsində tətbiq edilir. Bu mərhələlərdə saatın performansı ilə birbaşa əlaqəli olan yüzlərlə yoxlanış və doğrulama prosesi həyata keçirilir. 2015-ci ildə sertifikata yenidən baxış zamanı daxil edilən dəqiqlik, sukeçirməzlik, avtomatik qurulma və enerji ehtiyatı kimi meyarları tamamlayırlar. Elə həmin ildə Rolex tamamlanmış saatlar üçün tam avtomatlaşdırılmış avadanlıqla manufaktura daxilində aparılan eksklüziv sınaq protokolu tərtib etdi. Dəqiqlik tələbləri xüsusilə sərtdir. Mexanizmin korpusa qoyulmasından sonra ölçülən saat dəqiqliyi gündə –2 və +2 saniyə arasında olmalıdır. Tamamlanmış saat üçün brendin məqbul hesab etdiyi real vaxtdan sapma dərəcəsi yalnızca mexanizmin rəsmi sertifikatı üçün qəbul edilən dəyərdən xeyli aşağıdır.
Superlative Chronometer statusu bütün Rolex saatlarında mövcud olan yaşıl siferblat ilə təcəssüm olunur və beynəlxalq beşillik zəmanəti də əhatə edir.
Əvvəlki